Монголын
Гар Барилдааны
Холбоо
Монголын гар барилдааны нэгдсэн холбоо нь Монгол улс дахь гар барилдааны албан ёсны удирдах байгууллага бөгөөд Дэлхийн гар барилдааны холбоо болон Азийн гар барилдааны холбооны албан ёсны гишүүн байгууллага юм.
2017
Federation Founded
7
MAF Federations
2,400+
Registered Athletes
2017
WAF Member Since
Сүүлийн үеийн мэдээ
Холбооны мэдээ
🇲🇳🇰🇷 Монголын гар барилдааны хөгжлийн талаар чухал уулзалт боллоо
King of the Table Seoul 2026 тэмцээний дараа Монголын гар барилдааны нэгдсэн холбооны Ерөнхийлөгч Т.Мөнхбат болон East vs West холбооны Үйл ажиллагаа хариуцсан захирал Dexter Tan нар уулзаж, гар барилдааны спортын цаашдын хөгжил, мэргэжлийн тамирчдын өрсөлдөх чадвар болон Монголын гар барилдааны хөгжлийн талаар санал солилцлоо. Уулзалтын үеэр гар барилдааны спортыг олон улсын түвшинд хөгжүүлэх чиг хандлага, мэргэжлийн тамирчдын бэлтгэл, тэмцээний оролцоо, карьерын боломж, түүнчлэн өндөр түвшний тамирчдыг бэлтгэн хөгжүүлэхэд шаардлагатай орчин, тогтолцооны талаар өргөн хүрээнд ярилцсан байна. Мөн Монгол Улсад гар барилдааны спортыг цаашид мэргэжлийн түвшинд хөгжүүлэх, олон улсын томоохон тэмцээн, лигүүдэд Монголын тамирчдын оролцоог нэмэгдүүлэх, дэлхийн шилдэг тамирчидтай өрсөлдөх боломжийг бүрдүүлэх чиглэлээр хамтын ажиллагааны боломжуудыг хэлэлцжээ. East vs West нь дэлхийн мэргэжлийн гар барилдааны спортын томоохон платформуудын нэг бөгөөд тус холбооны төлөөлөлтэй хийсэн энэхүү уулзалт нь Монголын тамирчдын олон улсын түвшний өрсөлдөөнд оролцох боломжийг нэмэгдүүлэх, мэргэжлийн гар барилдааны хөгжлийг дэмжихэд чухал ач холбогдолтой юм. Монголын гар барилдаан сүүлийн жилүүдэд олон улсын тэмцээнүүдэд амжилттай оролцож, дэлхийн тавцанд өөрийн байр сууриа бэхжүүлж байгаа билээ. Цаашид мэргэжлийн тамирчдын хөгжлийг системтэйгээр дэмжиж, олон улсын байгууллага, лигүүдтэй хамтын ажиллагааг өргөжүүлэх нь Монголын гар барилдааны шинэ шатны хөгжлийн нэг чухал хөшүүрэг болох юм. Уулзалтын үеэр хоёр тал гар барилдааны спортын ирээдүй, тамирчдын хөгжлийн төлөөх хамтын ажиллагаагаа өргөжүүлэх боломжийн талаар санал нэгдлээ. 📸 Т.Мөнхбат — Dexter Tan King of the Table Seoul 2026 тэмцээний дараах уулзалт
🇲🇳 МОНГОЛЫН БАГ KING OF THE TABLE SEOUL 2026 ТЭМЦЭЭНИЙГ ЗОРИЛОО
Дэлхийн шилдэг гар барилдаанчдын өрсөлддөг KING OF THE TABLE SEOUL 2026 гар барилдааны лигийн тэмцээнд эх орноо төлөөлөн оролцох Монголын баг тамирчид БНСУ-ыг зорилоо. Монголын багийг Т. Мөнхбат ерөнхийлөгчөөр удирдуулан дараах тамирчид бүрдүүлж байна. Үүнд: 🇲🇳 Б. Батхүү 🇲🇳 Э. Бямбахүү 🇲🇳 Л. Энхжаргал 🇲🇳 Д. Лхамцэрэн 🇲🇳 Д. Гантулга 🇲🇳 Э. Эрдэнэбат Энэхүү тэмцээн нь Монголын гар барилдааны тамирчид дэлхийн шилдэг тамирчидтай хүч, ур чадвараа сорих, Монголын гар барилдааны спортыг олон улсад сурталчлан таниулах чухал тэмцээн болж байна. 🇲🇳 Эх орныхоо нэрийг өндөрт өргөж, Монголынхоо тугийг мандуулан өрсөлдөх нийт баг тамирчдадаа халуун дотноор амжилт хүсье! Хүчтэй өрсөлдөж, бахархам амжилтаар эх орондоо ирээрэй! 🇲🇳 МОНГОЛЫНХОО ТӨЛӨӨ — НЭГ БАГ, НЭГ ЗОРИЛГО! 💪 АМЖИЛТ, МОНГОЛЫН БАГ!
🇲🇳 Б.БАТХҮҮ 2026 ОНЫ АЗИ ТИВИЙН АВАРГЫН АЛТАН МЕДАЛИЙН ЭЗЭН БОЛЛОО
Монголын гар барилдааны спортын ирээдүй болсон залуу тамирчин Б.Батхүү 2026 оны 5 дугаар сарын 6–14-ний өдрүүдэд Бүгд Найрамдах Киргиз Улсын үзэсгэлэнт Иссык-Куль нуурын бүс нутагт зохион байгуулагдсан Ази тивийн гар барилдааны аварга шалгаруулах тэмцээн-д амжилттай оролцож, Ази тивийн аварга боллоо. Тэрбээр тус тэмцээнд Азийн шилдэг тамирчидтай хүч сорин өрсөлдөж, ур чадвар, хүч, тэсвэр хатуужил, сэтгэл зүйн бэлтгэлээ харуулан, аваргын төлөөх өрсөлдөөнд амжилттай оролцож алтан медаль хүртсэн юм. Энэхүү бахдам амжилтаараа Б.Батхүү Монгол Улсынхаа нэрийг Азийн тивийн дэвжээнд өндөрт өргөж, Монголын гар барилдааны спортын шинэ үеийн шилдэг тамирчдын нэг гэдгээ батлан харууллаа. Иссык-Кулийн цэнхэр нуурын эрэгт Монгол Улсын төрийн далбаа мандаж, Монголын тамирчны ялалтын дуулал эгшиглэлээ. 🇲🇳🏆 Энэ бол зөвхөн нэг тамирчны амжилт бус, Монголын гар барилдааны спортын хөгжил, ирээдүй хойч үеийн тамирчдад урам зориг өгсөн бахархалт үйл явдал юм. 🇲🇳 АЗИЙН АВАРГА Б.БАТХҮҮДЭЭ БАЯР ХҮРГЭЕ! ХҮЧЭЭРЭЭ МОНГОЛ. ЗОРИГООРОО МОНГОЛ. ЯЛАЛТААРАА МОНГОЛ. 🇲🇳✊🔥 Монголын гар барилдаан, гар атгалтын нэгдсэн холбоо
Тэмцээний хуанли
Удахгүй болох тэмцээнүүд
Бага нас, Өсвөр, Залуучуудын УАШТ-2026 Бүртгэл
Галлерей Улаанбаатар
Холбоотой байгаарай
Биднийг дагаарай
Холбоонд нэгдээрэй
Монгол даяарх тамирчид, дасгалжуулагчид, шүүгчид, клубууд МГБХ-д бүртгүүлж тэмцээнд оролцох, шүүх, үндэсний шигшээ багийн замналд хамрагдах боломжтой.
